Імя гэтага чалавека вядома кожнаму адукаванаму беларусу. Яго творчасць і талент прызнаныя ва ўсім свеце. Яго палотны да сёняшняга дня вабяць нейкай адметнай чысцінёй і прыгажосцю.
21 лютага для навучэнцаў 8 “А” класа ДУА “Сярэдняя школа № З1 г. Магілёва” прайшла гадзіна мастацтва “Ля палотнаў Бялыніцкага-Бірулі”.
Вучні пазнаёміліся з жыццёвым і творчым шляхам вялікага майстра жывапісу. У гэтым годзе спаўняецца 145 гадоў з дня яго нараджэння.
Мерапрымства суправаджалася мультымедыйнай прэзентацыяй і відэафільмам “Майстар лірычнага пейзажа”.
Прырода знайшла ў асобе Бялыніцкага-Бірулі мастака, бясконца ёй адданага, палка ў яе закаханага, удзячнага ёй. Мастака, які здолеў у сваіх пейзажах перадаць самыя патаемныя яе тайны.
