Ва ўсім свеце людзі шануюць і паважаюць свой нацыянальны касцюм. Нездарма лічыцца, што пасля мовы, народнае адзенне – найважнейшая прыкмета этнасу.
“А ці ведаем мы свой нацыянальны касцюм? Ці бачылі мы яго?” – на гэтыя пытанні адказвалі выхаванцы ДУА “Дзіцячы сад №100”, якія прынялі ўдзел у фальклорным часе “Беларускі нацыянальны касцюм: вандроўка ў мінулае”.
Хлопчыкі і дзяўчынкі пазнаёміліся з традыцыйным беларускім адзеннем: вопраткай, галаўнымі ўборамі, абуткам, даведаліся аб адрозненні мужчынскага і жаночага народнага касцюма, пазнаёміліся з геаметрычным і раслінным арнаментам.
Напрыканцы занятку дзецям, з дапамогай размалёўкі і алоўкаў, прапанавалі апрануць лялек, каб ўсе зразумелі, што гэта – прадстаўнікі беларускага народа.
