Чырскі, М. А. Літаратурныя вандроўкі па зямлі Максіма Багдановіча / Мікалай Чырскі ; [фота: А. П. Дрыбас, Я. В. Пясецкі, Я. М. Чырскі]. – Мінск : Беларусь, 2020. – 107, [4] с.
Чытач пройдзе шляхамі і сцежкамі зямлі Максіма Багдановіча, не стамляючыся здзіўляцца, захапляцца, адчуваць сябе сапраўдным вандроўнікам.
Ён пазнаёміцца з мясцінамі, якія звязаны з жыццём і творчасцю паэта, а таксама з мясцінамі тых літаратараў, якія тут жылі ці працавалі.
Кожны кіламетр Віленскага і Даўгінаўскага гасцінцаў напомніць пра людзей і падзеі, што аб’яднаюць у адзінае мінулае і сучаснае зямлі Максіма Багдановіча.
Для шырокага кола чытачоў.
Грушэцкі, А. Л. Рыцар Янка і каралеўна Мілана. Таямнічае каралеўства : [для сярэдняга школьнага ўзросту] / Алег Грушэцкі ; [мастак В. І. Козел]. – Мінск : Чатыры чвэрці, 2021. – 222, [1] с.
Янка і Мілана прыязджаюць на лета ў вёску, але выпадкова праз люстэрка ў дзедавай каморы апынаюцца ў іншасвеце… Дзеці рашуча накіроўваюцца ў падарожжа па таямнічым каралеўстве Сварга, дзе жывуць дужыя рыцары, дзівосныя міфічныя істоты, сярод якіх нават Цмок. Паводле старажытнага падання, менавіта ім належыць выратаваць каралеўства ад злога чараўніка Волха і войскаў ваўкалакаў.
Прыгоды і рыцарскія бітвы, пераадоленне страхаў і перашкод сустракаюцца на шляху юных герояў. Але цяжкасці толькі гартуюць!..
Грушэцкі, А. Л. Рыцар Янка і каралеўна Мілана. Каралеўству патрэбны героі : [для сярэдняга школьнага ўзросту] / Алег Грушэцкі ; [мастак В. І. Козел]. – Мінск : Чатыры чвэрці, 2022. – 274, [1] с.
Новая кніга “Рыцар Янка і каралеўна Мілана. Каралеўству патрэбны героі” – працяг неверагоднай гісторыі прыгод. Таямнічае каралеўства Сварга ізноў у небяспецы – яго захапіў яшчэ больш магутны вядзьмак, якім рухае помста. Юныя героі Янка ды Мілана выпраўляюцца ў падарожжа на дапамогу сваім сябрам. Дзецям наканавана павесці за сабой мужных ваяроў, вызваліць караля Мацея, змагаючыся супраць злых чараў і ненавісных ваўкалакаў, а таксама ўпершыню сустрэцца са светлым пачуццём кахання. Ці дадуць яны рады новым выпрабаванням – залежыць толькі ад іх саміх!
Захапляльна-прыгодніцкая гісторыя ад Алега Грушэцкага навучыць пераадольваць любыя цяжкасці, а таксама не баяцца ніякіх перашкод.
Грушэцкі, А. Л. Рыцар Янка і каралеўна Мілана. Агонь і лед : [для дзяцей сярэдняга школьнага ўзросту] / Алег Грушэцкі ; [мастак В. І. Козел]. – Мінск : Чатыры чвэрці, 2023. – 270, [1] с.
Янка і Мілана прыязджаюць на зімовыя вакацыі ў дзедаву вёску. Снежныя забавы, калядаванне да глыбокай ночы… Але найбольш клічуць да сябе прыгоды, таямнічае каралеўства Сварга. Ды толькі гэтым разам неспакойна ў іх сяброў, каралевічаў Рэглы і Сэнмура, чые землі прагне захапіць і замарозіць магутная вядзьмарка Маразанна. Ёй падуладная стыхія ветру і верна служаць чараўнік Падвей і паветрыкі. Каб даць рады гэтай зграі, Янку з Міланай належыць адгадаць шмат загадак, адшукаць таемны пакой і магічны кій, выявіць незвычайную кемлівасць і аб’яднаць тры каралеўствы. Дапамогуць ім у барацьбе Цмок, браты-волаты Вярнігара і Вярнідуб і нават загадкавыя феі, што, па паданнях, жывуць высока ў гарах. Юных герояў чакаюць новыя знаёмствы, неверагодныя прыгоды і слаўныя бітвы.
Драбышэўская, В. С. Любіна сукенка : апавяданне / Валянціна Драбышэўская ; мастак Галіна Жорж. – Мінск : Звязда, 2025. – 37, [1] с.
У творы распавядаецца пра дзяўчыну, якая загінула ў самую першую ваенную раніцу – 22 чэрвеня 1941 года. Ад Любы засталася толькі белая сукенка – сімвал чысціні, надзеі, кахання, мары… Сімвал генетычнай памяці аб усіх тых, хто загінуў у страшнае ваеннае ліхалецце. Любіна сукенка да сённяшняга часу сярод нас на Парадах Перамогі і кожны дзень, як Белы Анёлак, беражэ родную Беларусь.
АРХИВ
