Валодзька, С. В. Чароўныя чаравічкі : казачныя апавяданні / Станіслаў Валодзька ; [малюнкі Д. Юцовай]. – Мінск : Чатыры чвэрці, 2023. – 46 с.
Сябры, перагарнуўшы першую старонку гэтай кнігі, вы разам з яе аўтарам Станіславам Валодзькам патрапіце ў дзівосны свет, дзе валадарыць дабрыня, а людзі чулыя і спагадлівыя. Вас чакаюць захапляльныя прыгоды, знаёмства з хлопчыкамі і дзяўчынкамі, якія, як і вы, гуляюць, вучацца, займаюцца творчасцю і спортам. А яшчэ яны любяць родную мову, шануюць старэйшых, стараюцца быць смелымі і дружнымі.
Запрашаем да цікавага і пазнавальнага падарожжа па каляро вых старонках цудоўнай кнігі!
Мельнікаў, А. І. Ваверачка : казкі і матэматычныя задачы / Алег Мельнікаў ; [мастак У. Жук ; схемы У. Жука, А. Зяновіч]. – Мінск : Звязда, 2023. – 109, [1] с.
У першай частцы гэтай кнігі змешчаны літаратурныя казкі пра Вавёрачку, яе сяброў і ворагаў, у другой – сюжэтныя матэматычныя казачкі-задачы. Таму кнігай можна карыстацца ў пачатковых класах на факультатывах па двух прадметах: беларускай мове і матэматыцы.
Чарняўскі, М. Здарэнне ў цырку : казкі / Мікола Чарняўскі ; [мастак Г. Архіпава]. – Мінск : Звязда, 2024. – 77, [2] с.
У гэты зборнік увайшлі новыя казкі вядомага паэта Міколы Чарняўскага, якія, спадзяемся, стануць цудоўным працягам знаёмства і незвычайнага падарожжа ў чароўны і таямнічы свет казачных з’яў і вобразаў, жывога мастацкага слова, прыбавяць юных чытачоў трапнасцю аўтарскіх знаходак, займальнасцю прыдуманых ім прыгодніцкіх гісторый.
Стэльмах, А. А. Пашка і сонечны праменьчык : казкі / Алена Стэльмах ; [мастак Л. Жванія]. – Мінск : Звязда, 2022. – 101, [2] с.
У новай кнізе пісьменніцы Алены Стэльмах сабраныя казкі разнастайнай тэматыкі: на аснове рэалій сучаснага жыцця, фальклорных матываў, паводле гістарычнага мінулага Айчыны. Але ўсе творы яднае адметны творчы стыль аўтара, што абапіраецца на светапогляд беларусаў, на нацыянальныя каштоўнасці нашага народа. Казка “Дуб і крумкач” уваходзіць у вучэбную праграму па беларускай літаратуры для навучэнцаў IX класа.
Марціновіч, А. Дай лапу, Месяц! : прыгодніцкая аповесць-казка / Алесь Марціновіч ; [мастак Сяргей Волкаў]. – Мінск : Звязда, 2024. – 86, [2] с.
Наўрад ці чуў хто пра горад Селямес. Гэта і нядзіўна, бо знаходзіцца ён не на Зямлі, а на Месяцы. Ды яшчэ на баку, нябачным з яе. А вось героі прыгодніцкай аповесці-казкі Алеся Марціновіча “Дай лапу, Месяц!” – котка Ліза, сабачка Альма і іх сябры – на ім пабывалі, сустрэліся з лунацікамі. Аб падрыхтоўцы да гэтага падарожжа, перашкодах, пераадоленых героямі кнігі, апавядаецца так, быццам усё было ў сапраўднасці. А барацьба іх з нячысцікамі, якія аберагаюць жыхароў ад прышэльцаў, поўная яркіх, драматычных момантаў. Твор для дзетак цікаўных, у прыгоды ўлюбёных.
АРХИВ:
