Беларуская літаратура займае асаблівае месца ў культурным жыцці нашай краіны. Яна адлюстроўвае гісторыю, звычаі і мову беларускага народа, а таксама яго маральныя каштоўнасці, што робіць яе важным інструментам для выхавання патрыятызму сярод моладзі. Напярэдадні Дня незалежнасці Рэспублікі Беларусь, супрацоўнікі бібліятэкі запрасілі хлопчыкаў і дзяўчынак, якія наведваюць школьны лагер ДУА «Сярэдняя школа № 33 г. Магілёва», здзейсніць знаёмства па-новаму з беларускай літаратурай на мерапрыемстве «Вялікія майстры слова».
Падчас мерапрыемства вучні азнаёміліся з творчасцю вядомых беларускіх пісьменнікаў, такіх як Янка Купала, Якуб Колас і Максім Танк, а таксама сучасных аўтароў. Затым дзеці разгадвалі загадкі, звязаныя з пісьменнікамі і іх творамі. Праз інтэрактыўныя элементы ўдзельнікі змаглі не толькі паглыбіцца ў свет беларускай літаратуры, але і выпрабаваць на сабе эмоцыі, якія адчуваюць героі твораў. У рамках мерапрыемства былі арганізаваны чытанні фрагментаў з твораў беларускіх аўтараў, што дапамагло дзецям заўважыць прыгажосць нацыянальнай мовы.
Знаёмства па-новаму «Вялікія майстры слова» стала выдатнай магчымасцю для дзяцей паглыбіць свае веды пра культурную спадчыну краіны. Яно не толькі развіла іх любоў да літаратуры, але і спрыяла выхаванню патрыятызму.
